በጎፋ ዞን በአራት ወረዳዎች የውሃ መሠረተ ልማት ተደራሽነትን ለማስፋፋት የሚያግዝ የውይይት መድረክ ተካሂዷል።

በጎፋ ዞን በአራት ወረዳዎች የውሃ መሠረተ ልማት ተደራሽነትን ለማስፋፋት የሚያግዝ የውይይት መድረክ ተካሂዷል።

የውሃ መሠረተ ልማት አስተዳደርንና የምግብ ዋስትናን የሚያሻሽሉ ፈጠራዎች ፕሮጀክት ማስጀመሪያ መርሃ ግብር በአርባምንጭ ዩኒቨርሲቲ ተካሄደ ።

ሰኔ/12/2018 ዓ.ም

''ስማርት ዋሽ '' የተሰኘ በኢትጵያ የዉሃ መሠረተ ልማት አስተዳደርንና የምግብ ዋስትናን የሚያሻሽሉ ፈጠራዎች ፕሮጀክት ማስጀመሪያ መርሃ ግብር በአርባምንጭ ዩኒቨርሲቲ ተካሂዷል ።

የጎፋ ዞን ዋና አስተዳዳሪ ኢንጂነር ዳግማዊ አየለ፣ ፕሮጀክቱ የውሃ መሠረተ ልማት ተደራሽነትን ለማስፋፋት እየሰራ ያለውን ተግባር አድንቀዋል ።

ፕሮጀክቱ በደቡብ ኢትዮጵያ ክልል የመረጧቸው አራት ወረዳዎች በጎፋ ዞን እንደሚገኙ ጠቅሰዋል ።

ፕሮጀክቱ የመጠጥና የመስኖ ዉሃ አገልግሎችን በማዘመን ለህብረተሰቡ ኑሮ መሻሻል ዘርፈ ብዙ ስራ እየሰራ መሆኑን አስረድተዋል ።

የዞኑ መንግስትም አስፈላጊውን ድጋፍ በማድረግ ከድርጅቱ ጋር በቅንጅት እንደሚሰራ አስረድተዋል ።

የአርባምንጭ ዩኒቨርስቲ ምርምርና ትብብር ምክትል ፕሬዝዳንት ተክሉ ወጋየሁ(ዶ/ር)፣ ዩኒቨርስቲው በበጎ ተግባራት ከተማሰሩ ድርጅቶች ጋር በርካታ ተግባራትን እያከናወነ መሆኑን ጠቅሰዋል ።

''ስማርት ዋሽ'' የውሃ ግብዓቶችን ለማዘመንና በምግብ ራስን ለመቻል የሚያግዙ ተግባራትን እያከናወነ መሆኑን ተናግረዋል ።

ዩኒቨርስቲው ከፕሮጀክቱ ጋር በመተባበር በውሃ አጠባበቅና አጠቃቀም ዙሪያ ለማህበረሰቡ የግንዛቤ ፈጠራ ስራዎችን የእሰራ መሆኑን አብራርተዋል ።

ድርጅቱ የሚያከናወናቸው ተግባራት የውሃ ንፅህናን በማስጠበቅና የመስኖ ውሃ አጠቃቀምን በማዘመን የማህበረሰቡን ችግር በዘላቂነት ለመፍታት እንደሚረዳ አስረድተዋል ።

በዩኒቨርሲቲው የዉሃ ቴክኖሎጂ ኢንስቲትዩት ሳይንቲፍክ ዳይሬክተር ኢ/ር ታምሩ ተሰሜ (ዶ/ር)፣ዩኒቨርስቲው ለስራው መዘመን የሚረዱ በቴክኖሎጂ የታገዙ ስልጠናዎችን በመስጠት ማህበረሰቡን ተጠቃሚ ለማድረግ እየሰራ መሆኑን ገልጸዋል ።